external image 2176853996_b2a6ec40b0.jpgKallari pachakunaka wamrakunapash, kuytsakunapash chunka ishkay watata charishpallata sawarikllami karyan, chaypakka warmika kikin runa churanatapacha churakun karyan, kutin karika millma ruwanata churakun karyan, shinallatak ishkantin rosario nishkatapash churakun karyan.

Karipak yayakunaka ñawpakta churashpa sawarichipashun nishpa mañanapak rin kashka, kaytaka ñukanchikka maki mañay nishpami rimanchik.

Wakinpi kuytsapa yayakuna mana nikpika, kay ñawpakka maymanta ari nichin. Ari nishka kipaka papakunata, tantakunata, chilinakunata, palantakunata, kuytsapak yayakunamanka karan, kutin paykunaka tukuy kay karashkakunatami kikin ayllukunaman karashpa tukuchin.

Chay kipa katinka aswata, hayak yakuta yayapura upyashpa yawar chapuri nishkata ruran, shinashpa ishtira wasita rurashpa ñawpakka sawarik wamrakunata alli tapuchin sawarinkapak munankichikchu nishpa, ari nikpika, ishkantinta alli kawsankichik nishpa takurishpa shimi ariniyta rurachin, shinashpa raymikunawan kallarin.

Kayapakka Achik-Yaya wasiman sawarinkapak rina, shina chay sawarikkuna alli kawsanata yachankapakka achitaytakunata wasiman kallpachin, shina kallpanakushpa maykanpash urmakpika chay sawarikkuna imapash llakikunata charinkami ninllami, kutin mana urmakpika ima llakipash mana tiyankachu ninllami.

Kayantinpakka sawarikkunata ayllukunantin ñawita mayllachinchik, chaypakka sisakunawan, tsinikunawan ñawi, chaki, maki mayllana, shinallatak wakinpika tukuyllakunata tsininchik chikikunata kallpachinkapak.