external image 2008_11_02_Dia_de_los_Difuntos_Otavalo_Ecuador_099.jpgÑawpaka pipash wañukpika tukuylla pakta kankapak kariyanchik, kutin wañukpak ayllukunaka chanpusta karan karyan, chaypika tayta – yachachik nishkami wañushkamanta Achik Yayata mañan karyan, kaypa atya tukuy tutami ayllukunata kushiyachinkapak, añushkata kuchuyachinkapak sumak pukllaykunata rurashpa karyanchik.

Kaypakka yana wasitarak pukllan karyanchik, chaypa katika sapallu, atallpa, wallinku, kuntur, ukucha, allku, patan pukllaykunata ruran karyanchik.

Yana wasita pukllankapakka chunka ishkay sara murukunata chawpita rupachina, chaymanta suktapurakuna chinpapura tiyarishpa maykan kallarikta akllana, shina maykanpak urmakpipash rupachishka murukunata hapishpa allpapi shitan, shina tukuylla pukllashka katishpa maykan 4 Sapi-Llaktakunapak kawsay- Sabiduría Comunitaria, CEPCUComunidades Caluquí, Gualacata y Mariscal Sucre. Versión Quichua: Luis Enrique
Cachiguango pág. 56, 1.999 mishashpa tantachishka murukunata tukuchishpa yallin. Kutin maykan yalli tukukkunataka muchikukunata, imatapash kichun, shinashpa maykan pukllachikunaman kunchik. Pukllay tukurikpika, kay pukllachikmi imata ruranatapash willan, shina wakinpika shimiwan kawsak chuspita hapichun mañan, wakinpika mana shamushka ayllukunata kaparishpa rikchakrichun mañan, kutin aswata, yantata apamukrichun mañan. Shina kaykunata rurashka kipami kay pukllachikka kichushka muchikukunata imatapash tikrachin karyan.

Kuntur pukllaypika rikrapi charinata watarishpa, pachakunawan killparishpa kuntur shina tukushpa pukllana, shina tukushpa puñuy yallishka wawakuna, rukukuna, warmikunata llakichishpa pukllana.

Shinanakushkapi punchayarin. Punchayakpika aya panpaman wañushkataka apanchik.
Wawakuna wañukpika mana pukllanchikchu, kashna tiyakpika achitaytami sukuswan, pintukunawan wañushka wawapak sumak tiyarinata ruran karyanchik, shinashpa tukuy tuta, tuntawan wankarwan tushushpa pakarina karyan, chayllapita wakinka tsinishpa kallparyan karyan tukuy chikikunata kallpachinkapak. Punchayakpika tushushpantin aya panpaman apan karyanchik.

Yayakunaka wañushka wawa hawa pachaman richunka kushi kushimi kana nishpami yachachishka.

Kayshina ruraykunata, kaya puncha achi-taytakuna kay sukuswan rurashkakunata paskakpimi tukurin kashka.